Tumhara Pyaar Mere Chaar Su Abhi Tak Hai
Koi Hisaar Mere Chaar Su Abhi Tak Hai...
Bichartay Waqt Jo Tum Sonp Kar Gaye Thay Mujhe
Wo Intezaar Mere Chaar Su Abhi Tak Hai...
TU Khud Hee Jaanay Kaheen Door Kho Gaya Hai Magar
Teri Pukaar Mere Chaar Su Abhi Tak Hai...
Mein Jub Bhi Nikla Mere Paon Chhaid Daalay Ga
Jo Khaar Zaar Mere Chaar Su Abhi Tak Ha...
Mein Ab Bhi Girtay Howay Paanion Ki Qaid Mein Hun
Ik Aabshaar Mere Chaar Su Abhi Tak Hai...
Koi Gumaan Mujhe Tum Se Door Kaisay Karay
Ke Aitbaar Mere Chaar Su Abhi Tak Hai...