Welcome to poetries for lovers: November 2012

Zinda reh jayen toh kiya hai jo mar jayen ham toh kiya

Zindaa rehien toh kiya hai jo mar jaayen ham toh kiya

duniaa say khamoshi say guzar jaayen ham toh kiya...

Hasti hi kiya ha hamari zamaney k samney

ik khwab hai jahaan main bikhar jaayen ham toh kiya...

Ab koun mantazar ha hamary liyee wahan

shaam agayi ha loot k ghar jaayen ham toh kiya...

Dill ki khalish toh sath rahegi tamaam umar

dariyaa-e-gham k paar utar jaayen ham toh kiya...

Main talabgaar b tha

Main talabgaar b tha kaam ki aasani ka

hukam ha mujhko khuwabon ki nighabani ka...

Is hawas main k mery hath na khali reh jaayen

kitina nuqsaan huwa ha meri peshani ka...

Yeh jo ik weham mujhy

Yeh jo ik weham mujhy dasht ki taskheer ka ha

sab tamasha meri wast zanjeer ka ha...

Lao, yeh raakh hi kharman kauthalon k sawal

mery hasil ka nh ha, meri tadbeer ka ha...

Tanabeen kaat mery sath

Tanabeen kaat mery sath ba dabanon ki

main tujh ko seer karaon naye jahanon ki...

Abhi woh chand sa chamka tha meri ankhon main

k sayeton p ghata ghar gayi zamanon ki...

Wafaoon k badlee wafa lijiyee

sawab-e-muhabat kama lijyee...

Udasiuon k deere agar dill p hain

hamari ghazal gunguna lijiyee...

Talab ka hamary jo ehsaas ha

kabhi ham say nazreen milla lijiyee

Khuda ney jo tum ko ata ker diya

usy zindagani banalijiyee...

Buhat dhokey khayen hain kashif miyaan

fareeb muhanat b khaa lijiyee...

Zindagi tum say hai

Zindagi tum say hai , Roshini tumm say ha

Sach kahon toh meri , Her khushi tum say ha

tum jo woh muhabt uthaye laaye hoo

chahton main woh shidat uthaye laye hoo

kiss qadar hosila tum ko rab ney diya

ehad zulmat hai aur phir b ho mutamin

kiss jahan k ho tum kiya dalaye hoo

jazbe ulfat ki har tazgi tum say hai

zindagi tum say hai roshini tum say ha

mery lafzon ki taseer tum say mili

meri souchon ki tanveer tum say mili
tum toh mery nazmon ka unwaan hoo

meri shuhrat ho tum meri pehchan hosach toh yeh ha

meri shahiri tum say ha,zindagi tum say ha

roshini tum say ha...

Zakham per zakham khaye jaaty hain

Aur ham muskraye jaty hain...

Bijliyoun say kaho k dharti per

Aashiyan naye banaye jaty hain...

Soye jazbee jagaye jaaty hain

Le ker baarood apney hathon m

Aman k geet gaye hate hain...

Aseen bhi na ahiyoun

اسين بهه نه آهيون، اسين ڀونءِ آهيون

لتاڙي سگهو ٿا ته بيشڪ لتاڙي..........

اسين چڻا ڪين آهيون، جي آهيون ته رڪ جا

چٻاڙي سگهو ٿا ته بيشڪ چٻاڙيو..........

New kapre badal kar

New kapre badal kar jaun kahan aur bal banaun kis k liye
wo shakhs to shahar hi chor gaya ab khak uraun kis k liye...

Jis dhup ki dil ko thandak theie wo dhup usi k sath gai
in jalti bujhti galiyon main ab khak uraun kis k liye...

wo shahar main tha to us k liye auron se milna parta tha
ab aise-waise logon k main naz uthaun kis k liye...

ab shahar main is ka badal hi nahi koi waisa jan-E-gazal hi nahi
aiwan-E-gazal main lafzon k guldan sajaun kis k liye...

muddat se koi aya na gaya sunsan pari hai ghar ki faza
in khali kamron main Nasir Kazmi ab shamma jalaun kis k liye...

Dard kam honey laga

Dard kam honey laga Aaao k kuch raaat kate
Gham ki miaad badha jaao k kuch raaat kate...

Hijr mein aah-O-baka sa kuhan hai lekin
Aaj yeh rasm hi dohrao k kuch raaat kate...

Yun to tum Roshni qalb-O-nazar ho lekin
Aaj who mojezah dikhlao k kuch raaat kate...

Dil dukhaata hai who milkar bhi magar aaj ki raat
Usi be-dard ko le aao k kuch raaat kate...

Dam ghuta jaata hai afsurda dili se yaaro
Koi afvah hi phailao k kuch raaat kate...

Main bhi bekaar hun aur tum bhi ho viran bahot
Doston aaj na ghar jaao k kuch raaat kate...

Chood aaye ho sarshaar use kyun Nasir Kazmi
Use phir ghar se bula lao k kuch raaat kate...

Kabh roye

Kabhi Roye , Kabhi tujh ko Pukaaraa
Shab-E-furqat bari mushkil se guzri...

Youn betha hoon

Youn Baitha Hoon Dil Ke Daagh Se Khush
Jaisay Bacha Charaagh Se Khush...

Jab Taaaron Ki Shamain Jhilmilain
Saaaqi Ne Kia Ayaagh Se Khush...

Gham Choorh Gaya Jisay Jagaa Kar
Wo Dil Na Howa Faraagh Se Khush...

Ab Naala-E-Dil Na Chairh Bulbul
Ye Baaagh Hai Shor-E-Zaagh Se Khush...

Ab Raas Hai Ka Kunj-E-Gham Hee “Nasir Kazmi”
Ab Dil Nahi Sair-E-Baagh Se Khush...

safar e manzil shab

Safar-E-Manzil-E-Shab Yaaad Nahi
Loog Rukhsat Huye Kab Yaaad Nahi...

Awwaleen Qurb Ki Sarshaari Mein
Kitnay Armaan Thay Jawaab Yaaad Nahi...

Dil Main Har Waqt Chubhan Rehti Thi
Thi Mujhe Kis Ki Talab Yaad Nahi...

Wo Sitaara Thi K Shabnam Thi k Phool
Ik Soorat Thi Ajab Yaaad Nahi...

Kaisi Veeraan Hai Guzargaah-E-Khayaal
Jub Se Wo Aariz-O-Lab Yaaad Nahi...

Bhooltay Jaatay Hain Maazi Ke Dayaar
Yaad Aayein Bhi TOu Sub Yaaad Nahi...

Aisa Uljha Hun Gham-E-Duniya Main
Ek Bhi Khwaab-E-Tarb Yaaad Nahi...

Rishta-E-Jaan Tha Kubhi Jis Ka Khayaal
Oski Soorat Bhi Tou Ab Yaaad Nahi...

Ye Haqiqat Hai K Ehbaab Ko Ham
Yaad Hee Kab Thay Jo Ab Yaaad Nahi...

Yaad Hai Sair-E-Charaaghan “Nasir kazmi”
Dil k Bujhne Ka Sabab Yaaad Nahi...

diyaar dill ki raat m

Hoti hai tere naam say

mehroom khuwab deeda

sehar ki be chiraag galiyoun m

Sheher ki Be-chiraag galiyon mein
Zindagi tujh ko dhoondti hai abhi...

Shehar mein humdum puraaney

Shehar mein humdum puraaney bohat theie Nasir kazmi
Waqt parrne p mere kaam naa aaya koi...

Kuch toh ehsaaas e ziyaan tha

Kuch Toh Ehsaaas-E-Ziyaan Tha Phele
DilL Ka Ye Haal Kahan Tha Phele...

Ab Tou Manzil Bhi Hai Khud Garm-E-Safar
Har Qadam Sang-E-Nishaan Tha Phele...

Safar-E-Shoq Ke Farsang Na Pooch
Waqt Be-Qaid Makaan Tha Phele...

Ye Alag Baat Ke Gham Raas Hai Ab
Is Mein Andaisha-E-Jaan Tha Phele...

Yun Na Ghabraye Howay Phirtay Thay
Dil Ajab Kunj-E-Amaan Tha Phele...

Ab Bhi TU Paas Nahi Hai Laikin
Is Qadar Door Kahan Tha Phele...

Dairay Daalay Hain Bagolon Ne Jahan
Os Taraf Chashm-E-Rawaan Tha Phele...

Har Kharab Ye Sadaa Deta Hai
Mein Bhi Aabaad Makaan Tha Phele...

Kia Se Kia Ho Gayi Dunya Pyaaray
TU Waheen Per Hai Jahaan Tha Phele...

Ham Ne Aabaad Kia Mulk-e-Sukhan
Kaisa Sunsaan Samaa Tha Phele...

Ham Ne Bakshi Hai Khamoshi Ko Zabaan
Dard Majboor-E-Fugaan Tha Phele...

Ham Ne Roshan Kia Maamoor-e-Gham
Warna Har Simt Dhuwaan Tha Phele...

Gham Ne Phir Dil Ko Jagaya “Nasir Kazmi”
Khana-E-Barbaad Kahan Tha Phele...

Dil Dharakney Ka Sabab

Dil Dharakney Ka Sabab Yaaad Aaya
Wo Teri Yaaad Theie Ab Yaaad Aaya...

Aaj Mushkil Tha Sambhalna e Dost
TU Musibat Main Ajab Yaaad Aaya...

Din Guzra Tha Bari Mushkil Se
Phir Tera Waada-E-Shab Yaaad Aaya...

Tera Bhula Hua Paimaan-E-Wafa
Mar Rahenge Gar Ab Yaaad Aaya...

Phir Looog Nazar Se Guzre
Phir Koi Sheher-E-Tarab Yaaad Aaya...

Haal-E-Dil Hum Bhi Sunate Laikin
Jab Wo Rukhsat Howa Tab Yaaad Aaya...

Baith Kar Saaya-E-Gul Main ‘Nasir Kazmi’
Hum Bohat Roye Wo Jab Yaaad Aaya...

Bhari dunyaa mein jee nahin lagta

Bhari dunyaa mein jee nahin lagta
Jaane kis cheeez ki kami hai abhi...

tere milne ko

Tere Milnay ko Be-E-Kal Hoogaye Hain
Magar Ye Looog Paagal Hoogaye Hain...

Bahaarain Le Ke Aaye Thay Jahaan Tum
Wo Ghar Sunsaan Jangal Ho Gaye Hain...

Yahaan Tak Barh Gaye Aalaam-E-Hasti
Ke Dil Ke Honslay Shal Ho Gaye Hain...

Unhain Sadyoon Na Bhoolay Ga Zamaana
Yahaan Jo Haadsay Kal Ho Gaye Hain...

Jinhain Hum Dekh Kar Jeetay Thay Nasir
Wo Looog Aankhon Se Ojhal Ho Gaye Hain...

Apni dhun mein rehtaa hoon

Apni dhun mein rehtaa hoon
Mein bhi tere jesa hoon...

O pichli rut ke saathi
Mein bhi tere jesa hoon...

Teri gali mein saara din
Dukh ke kankaar chunta hoon...

Mera diya jalayee kon
Mein tera khali kamra hoon...

Tu jeevan ki bhari gali
Mein jungle ka tanhaa raasta hoon...

Aati rut mujhe roye gi
Jaati rut ka jhonka hoon...

Be Karaari K Waar K

Be Karaari K Waar K Dar Se
Bin Bulaaye Nikal Padey Ghar Se...

Ek Tou Kuch Dasht Yaad Aati Hain
Aur Wo Abar Jo Bohat Barsay...

Koi Qaabil Nahi Bharosay K
Koi Mehfooz Hee Nahi Shar Se...

Loog Tarsay Hain Paaniyouon K Liye
Ham Magar Teri Pyaas Ko Tarsay...

Aap Ko Yaad Hai K Hum Ek Din
Lout Aaye Thay Aap Ke Dar Se...

Ye Neeend Ki Devi Bhi

Ye Neeend Ki Devi Bhi Ajab Dushman-E-Jaan Hai
Aankhon Se Sadaa Door Rahay Raaat Gaye Tak...

Paspaa Howay Tanhai Ki Yalgaaar Se Jub Bhi
Hum Sheher Mein Awaarah Phiray Raaat Gaye Tak...

mere dill k

Mere Dil K Shaam Saweray Ho

Ik Baar Kaho Tum Mere Ho...

Mujhe Tum Bin Kuch Dikhaayi Na De
Kiun Itnay Ghoor Andheray Ho...

Mein Panchi Pyaar Ke Deson Ki
Tum Mere Rain Basairay Ho...

Mein Maal-o-Manaal Mohabbat Ka
Tum Daaku Chor Lutairay Ho...

Kuch Bolo Ya Aazaad Karo
Kiun Khamooshi Se Ghairay Ho...

shehar barbad ho reha hai

Shehar Barbad Ho Raha Hai Abhi,
Aur Tu Hai Kay So Raha Hai Abhi...

Dekh Veeran Ho Raha Hai Jahan

Aur Tu Daagh Dho Raha Hai Abhi...

Teray Andar Bhi Koi Dukh Main Hai

Meray Andar Bhi Ro Raha Hai Koi...

Jazba-O-Shoq Ki Rawaani Mein

Jazba-O-Shoq Ki Rawaani Mein
Galti Ho Gayi Jawaani Mein...

Zindagaani Tou Jaisay Dooob Gayi
Hijr Aur Gham Ki Be-Karaani Mein...

Jaanay Kia Keh Gaya Hai Ashkon Ko
Aag Si Lag Gayi Hai Paani Mein...

Ik Din Dil Hawaas Kho Baitha
Ik Choti Si Naagihaani Mein...

Tajziya Hee Nahe Kiya Os Ka
Umer Beeti Hai Khush-Gumaani Mein...

Oski Aadat Se Mujhko Lagta Hai
Koi Lazzat Hai Bad-Gumaani Mein...

Ik Kashish Si Ajeeb Hoti Hai
Ishq Ki Saltanat Ki Raani Mein...

Wo Mujhe Dekh Kar Bohat Khush Hai
Dukh Ke Sooraj Ki Saayebaani Mein...

Ik Mohabbat Hai Aur Judai Hai
Umer Ki Mukhtasir Kahani Mein...

Paani ankh main bhar

Paani ankh main bhar k laya ja sakta hai
ab bhi jalta sheher bachaya ja sakta hai...

aik mohabat aur wo bhi nakam mobhat
lekin is se kam chaleya ja sakta hai...

Dil par pani piny ati hain umeeden
is chashmy main zeher milaya ja sakta hai...

mujh benam se pujhty hain Farhad-O-Majnoo
ishq main kitna naam kamaya ja sakta hai...

phatta puran khwab hai mera phir bhi Tabish
is main apna aap chupaya ja sakta hai...

Tujh Se Bichda Tou

Tujh Se Bichda Tou Kidher Jaonga

Mein Tou Be-Chaini Se Mar Jaonga...

Mein Tou Aisay Nahi Jaanay Waala
Chaand Doobay Ga Tou Ghar Jaonga...

Kia Zaroori Hai Ke Hum

Kia Zaroori Hai Ke Hum Haaar Ke Jeetien Tabish
Ishq Ka Khel Baraber Bhi To Ho Sakta Hai...

Bichartay Waqt Jo Tum Sonp

Tumhara Pyaar Mere Chaar Su Abhi Tak Hai
Koi Hisaar Mere Chaar Su Abhi Tak Hai...

Bichartay Waqt Jo Tum Sonp Kar Gaye Thay Mujhe
Wo Intezaar Mere Chaar Su Abhi Tak Hai...

TU Khud Hee Jaanay Kaheen Door Kho Gaya Hai Magar
Teri Pukaar Mere Chaar Su Abhi Tak Hai...

Mein Jub Bhi Nikla Mere Paon Chhaid Daalay Ga
Jo Khaar Zaar Mere Chaar Su Abhi Tak Ha...

Mein Ab Bhi Girtay Howay Paanion Ki Qaid Mein Hun
Ik Aabshaar Mere Chaar Su Abhi Tak Hai...

Koi Gumaan Mujhe Tum Se Door Kaisay Karay

Ke Aitbaar Mere Chaar Su Abhi Tak Hai...

Tapish Se Bach Ke Ghataaon

Tapish Se Bach Ke Ghataaon Mein Baith Jaatay Hain
Gaye Howun Ki Sadaaon Mein Baith Jaatay Hain...

Hum Irid Gird Ke Mausam Se Jub Bhi Ghabraayeein
Tere Khayaal Ki Chhaaon Mein Baith Jaatay Hain...

Aik mohabbat aur woh bhi

Pani aankh mein bhar ker laya jasakta hai
Ab bhi jalta sheher bachaya ja sakta hai...

Aik mohabbat aur woh bhi naakam mohabat
Lekin is se kaam chalaya ja sakta hai...

Dil per paani peeney aati hain umeedien
Is chashmey mein zeher milaya jasakta hai...

Mujh gumnaam se poochte hai farhaad o majnoon
Ishq mein kitna naam kamaya ja sakta hai...

Yeh mehtab yeh raat ki peshani ka ghao
Esa zakham to dil per khaya jasakta hai...

Phatta purana khawb hai mera phir bhi tabish
Is mein apna aap chupaya jasakta hai...

Udaas shamain

Udaas shamain, ujarr rastey, kabhi bhulayen to laut aana,
Kisi ki ankhon main ratjagon ke azaab ayen to laut aana...

Abhi neyi wadiyon, naye manzron main reh lo magar meri jaan,
Yeh saarey aik aik karke jab tum ko chorr jayen to laut ana...

Naye zamanon ko qurb orrhey, zayeef lamhey, niddhaal yadain,
Tumharey khawbon ke band kamron mein laut ayen to laut aana...

Agar andheron main chorr keer tum ko bhool jayen tumhare sathi
Aur apni khatir hi apne apne diye jalayen to laut aana...

Meri woh batain to jin pe be’ikhtyaar hanstaa tha khil’khilaa kar
Bicharney wali meri woh batain kabhi rulaayain to laut aana....

Bicharney ke zamane aagaye

Bicharney ke Zamaney Aagaye Hain
Osey kitnay Bahaanay Aagaye Hain...

Udaasi Mein Ghar Se Rehtay Thai Jub Hum
Wo Saaray Din Puraanay Aagaye Hain...

Nahin Hain Khush Gira Kar Arsh Se Bhi
Zameen Se Bhi Uthaanay Aagaye Hain...

Wo Hum Per Muskuraanay Aagaye Hain
Naya Ek Gham Lagaanay Agaye Hain...

Kisi Ki Mout Ke Aasaar Dil Mein
Sif-e-Maatam Bichaanay Aagaye Hain...

Bata Do Mausam-e-Girya Ko Farhat
Ke Hum Ronay Rulaanay Aagaye Hain...

hijar jari hai aur

Hijr Jaari Hai Aur Jeevan Hai
Be-Qaraari Hai Aur Jeevan Hai...

Khwaahishon Ke Ajeeb Mausam Mein
Aah-o-Zaari Hai Aur Jeevan Hai...

Mustaqil Taig Raaigaani Ki
Zarb-Kaari Hai Aur Jeevan Hai...

Dard Ne Mautabar Kia Mujh Ko
Burd-Baari Hai Aur Jeevan Hai...

Ishq Ke Saamnay Mere Dil Ki
Inkisaari Hai Aur Jeevan Hai...

Ek Ek Pal Howa Giraan Mujh Per
Saans Jaari Hai Aur Jeevan Ha...i

Haalat Ab Apni Ek Muddat Se
Iztaraari Hai Aur Jeevan Hai...